Vende-lo coche para comprar gasolina.

¿Financiamento con déficit das novas titulacións na Universidade?

1. O escenario e os actores siguen sendo os mesmos.

A FETE/UGT recabdou a nivel do Estado, nos primeiros meses de 1997, un millón de signaturas para esixir, no marco do "Manifesto a Favor da Universidade Pública", a tramitación dunha Lei de Facenda das Universidades Públicas que supuxese un Pacto de Estado, igual que en Portugal e noutros países europeos, a prol do incremento dos fondos públicos do 1,5% do PIB para financiamento do Ensino Público Superior que permitise alcanza-la media da UE. A CRUE defendeu con entusiasmo esta proposta que só sirveu para erosiona-la ministra de Educación, Esperanza Aguirre, á que o Goberno do Estado lle negou toda marxe de manobra.

A Xunta sumóuse a esa política de mantemento da Universidade de sionllos e naquel intre declarou que en Galicia o SUG tiña superado o período de expansión e estaba xa consolidado, que podía e tiña que avanzar en calidade sen plans especiais de finaciamento, polo que a ampliación do mapa de titulacións tería que desenvolverse sen sobrecusto ningún e para compensar ós campus menos dotados, practicando así unha intoxicación social que tivo como resultados as manifestacións, por un banda, de que o que importa son titulacións mentras que as infraestructuras necesarias para acollelas son irrelevantes e, pola outra, confronta-los localismos coa Universidade envelenando e freando o seu debate interno da avaliación dos custos derivados, previo ó dunha programación estratéxica das titulacións a implantar. A Xunta tensionou esta situación aplazando a discusión do IIº Mapa de Titulacións, que arrastraba como pendente desde 1993, para o Consello Universitario de 27/09/96 e, despóis, para o de 25/04/97; pero, previamente a sesión deste último, xa o conxelara unilateralmente e, tra-la mesma compareceu o Conselleiro ante os medios de comunicación, sen a presencia dos Rectores que era habitual, acompañado únicamente do Director Xeral de OU, para anunciar oficialmente que o Mapa seguiría pechado e, para aumenta-la virulencia dos localismos, manifestou que os Rectores estaban de acordo (¡!).

2. A comunidade universitaria ten antes de nada dereito a saber:

- O calendario para o debate e aprobación do Mapa de Titulacións.

- Os criterios xerais de partida da Xunta de Galicia.

- As previsións da Comunidade Autónoma para atendé-los novos custos, especialmente os de persoal que constitúen o eixo do seu control do gasto da Universidade.

- O posicionamento do Consello Social da Universidade.

- A vontade do Rector e da súa coalición de goberno de finaciamento por déficit ou non. Lémbrese que se acaba de aproba-lo presuposto do 2002 a só dous meses do peche do exercicio sen cumpri-lo precepto da LOU (Art. 81.4) de acompañalo coas RPTs do persoal de tódalas categorías da Universidade coa especificación da totalidade dos seus custos. Así mesmo, que CUSA ten edebedada á Universidade alomenos en 800 millóns de euros e que esta sociedade lle transfireu á Universidade o morto da IIª Fase do Rectorado (Consello Social de 10/07/02) e que a Residencia está hipotecada co Vº e Prace da Universidade por Caixanova incluido o solar no que se levanta e que a Universidade obrigóuse a finaciarlle o déficit.

- Se o Rector mantén a súa postura, expresada tra-lo o coñecemento dos resultados do campus de Ourense para a súa reeleción, de impulsa-la súa segregación unha vez celebradas as vindeiras eleccións municipais.

Novembro de 2002.

FETE/UGT-UVIGO.