Capítulo I: Concepto, carácter, autonomía funcional, garantías e incompatibilidades.

Artigo 1.

O Tribunal de Garantías é o Alto Comisionado do Claustro da Universidade de Vigo, instituído no uso da súa autonomía dentro capítulo III do Título V dos seus Estatutos para a defensa e garantías das libertades e dereitos de tódolos membros da comunidade universitaria, recoñecidos nos propios Estatutos e naquelas disposicións que os desenvolven.

Artigo 2.

O Tribunal de Garantías, como valedor que é da comunidade universitaria, velará así mesmo pola satisfacción dos intereses lexítimos e benestar da comunidade universitaria, contribuíndo ó bo funcionamento da Universidade de Vigo na prestación do servicio público que lle é propio, á mellora da súa actividade administrativa pública e da que presten os servicios xestionados por persoas físicas ou xurídicas mediante concesión administrativa, así como empresas e entidades que dependan da Universidade ou estean participadas por ela.

Artigo 3.

A estructura do Tribunal de Garantías é a dun órgano colexiado. Os seus membros elixiranse entre tódolas persoas da comunidade universitaria, acredoras da debida confianza para se-los seus valedores, polas recoñecidas cualidades de imparcialidade, honestidade e coñecementos da problemática da Universidade de Vigo.

Artigo 4.

1. Plena autonomía funcional e liberdade de criterio, sen suxeccción a mandato imperativo ningún.
2. Rigorosa independencia fronte ós órganos de goberno da Universidade, sen posibilidade de recibir instruccións de ningunha Autoridade ou Órgano de Goberno, que deberán respeta-la súa imparcialidade.
3. Os membros do Tribunal de Garantías non poderán ser expedientados polo actos que realicen ou polas opinións que formulen no exercicio das competencias propias do seu cargo.
4. O acto de aceptación da condición de membro do Tribunal de Garantías terá lugar diante da Mesa do Claustro, mediante promesa ou xuramento de lealtade institucional á Universidade de Vigo, imparcialidade na defensa dos dereitos e libertades da súa comunidade universitaria e fidelidade na observanción do presente Estatuto.
5. A actuación do Tribunal de Garantías desenvolverase sen estar sometida a caducidade de prazos, mentres a situación creada sega producindo os seus efectos e a súa supervisión sexa relevante.
6. Son inherentes á actuación do Tribunal de Garantías as cualidades de gratuidade, facilidade de acceso, transparencia, axilidade e a simplicidade na formulación de agravios, queixas e reclamacións de melloras, mostrando dispoñibilidade de axuda para formaliza-lo seu plantexamento ou redacción, se fora preciso. Por esto, tódolos órganos da Universidade, os responsables ou encargados dos distintos servicios e, en xeral, tódolos membros da comunidade universitaria, teñen a obriga de auxiliar con prontidude ós membros do Tribunal de Garantías, sempre que sexan requiridos para o esclarecemento de datos, aportando os documentos, declaracións e información que se lle solicite.
7. O Presidente/a do Tribunal de Garantías terá dereito de optar á dispensa total ou parcial de calquera outras obrigas que lle incumban como membro da Universidade de Vigo, e os demais membros á dispensa parcial.

1. A dependencia do Tribunal de Garantías establécese únicamente co Claustro como institución, representativa da comunidade universitaria, relacionándose directamente coa Mesa do Claustro en canto órgano director do mesmo, que o preservará de calquera tipo de relación, conexión ou intromisión das coalicións maioritarias ou de oposición que poidan existir no seo do Claustro, garantindo deste xeito a súa independencia funcional dentro do propio Claustro e fronte os demais órganos de goberno da Universidade de Vigo.
2. O nomeamento dos membros do Tribunal de Garantías correspóndelle ó Rector como presidente da Mesa do Claustro.

A facultade do Claustro, recoñecida no artigo 72, -f) dos Estatutos da Universidade de Vigo, de aprobar, se é o caso, o informe anual do Tribunal de Garantías, entenderase como capacidade, sen posibilidade de rexeitalo, para formularlle aclaracións, suxestións e matizacións, que se xuntarán separadas ó informe.

Artigo 7.

1. A participación significativa nas coalicións de goberno ou de oposición dentro da Universidade de Vigo.
2. A pertenza ós órganos colexiados de goberno universitario que teñan capacidade de xerar resolucións que esgoten a vía administrativa interna.
3. O desempeño de calquera cargo unipersoal de goberno universitario ou de confianza do mesmo.
4. A dirección de Xefaturas de Servicio na Administración universitaria.
5. A función de membro das Xuntas de Persoal ou do Comité de Empresa.

Artigo 8.

O Tribunal de Garantías consta de sete membros coa composición seguinte:

1. O Presidente/a.
2. Dous membros, que actuarán como Adxuntos ó Presidente/a do Tribunal de Garantías, por cada un dos sectores de Persoal docente e investigador, estudiantes e Persoal de Administración e servicios.
3. O Secretario/a, elixido a proposta do Presidente no primeiro pleno, trala constitución deste órgano, de entre os membros representantes dos sectores da comunidade universitaria.

1. O Tribunal de Garantías elixirase no Claustro entre tódolos membros da comunidade universitaria, tal como establecen os Estatutos da Universidade de Vigo no artigo 240.1, que presenten a súa candidatura de acordo co procedimento que estableza a Comisión Electoral da Universidade, prevista no artigo 91 dos seus Estatutos e regulada no Capítulo IV, Sección 4ª, do Regulamento do Claustro.
2. Tódolos seus membros serán elixidos por catro anos, agás os representantes do sector de estudiantes, que o serán por dous, segundo o establecido no artigo 37.2 do Regulamento do Claustro.
3. Os candidatos/as a Presidente/a figurarán nunha lista aberta pola orde alfabética e as dos Adxuntos estableceranse de igual modo por sectores da comunidade universitaria.
4. O sistema de elección será o seguinte:

1. O Presidente/a elixirase polo conxunto dos claustrais e precisará da maioría de 2/3 entre os claustrais asistentes á sesión. Se ningún candidato resultase elixido, procederase a unha nova elección na seguinte sesión do Claustro e será suficiente o voto favorable da maioría absoluta dos asistentes á sesión.
2. O resto dos membros precisarán dunha maioría de 2/3 dos presentes do sector correspondente, unha vez constituído o Claustro co quórum ordinario.
3. No caso de que dous ou máis candidatos/as obteñan o mesmo número de votos darase preferencia para a proclamación ó de maior antigüidade na Universidade de Vigo. No caso de igualdade será proclamada a persoa de maior idade.

1. Os membros do Tribunal de Garantías cesarán por algunha das causas seguintes:

1. A petición propia.
2. Pola expiración do prazo do seu nomeamento.
3. Por incapacidade legal sobrevida.
4. Por perda das condicións necesarias para ser elixido.
5. Pola inasistencia non xustificada nun ano a tres sesións plenarias seguidas ou a cinco discontínuas no mesmo período de tempo.
6. Por moción de censura aprobada pola maioría absoluta dos asistentes á sesión do Claustro.

2. No caso de cese polas causas a) e b), os membros do Tribunal de Garantías quedarán en funcións ata que remate o proceso de nova elección. Cando o cese se produza polas restantes causas, procederase a unha nova elección para cubri-las prazas vacantes para o período que reste e, de selo caso de substitución do Presidente/a, ocupará o seu cargo en funcións o membro do sector de profesorado de maior antiguidade na Universidade de Vigo ou de maior idade no caso de igualdade.

3. A moción de censura deberá ser presentada á Mesa do Claustro por alomenos un 25% dos claustrais e resolverase nunha sesión extraordinaria con este único punto na orde do día nun prazo máximo de 15 días hábiles. A súa admisión a trámite fundamentarase exclusivamente nalgunha das causas seguintes:

1. Por incumprimento dos preceptos do presente Estatuto.
2. Por actuar con notoria neglixencia no cumprimento das obrigas e deberes do cargo.

4. Se a moción de censura non obtivese os votos necesarios, consideraríase rexeitada, e cada un dos asinantes da mesma non poderán subscribir outra moción de censura no prazo dun ano.

O Tribunal de Garantías, no marco do establecido neste Estatuto e en particular nos seus artigos 1 e 2, supervisará a actuación administrativa da Universidade, coidadando de oficio ou a instancia de parte, que queden garantidos os dereitos, intereses lexítimos e libertades dos membros da comunidade universitaria, para evitar situacións de indefensión, arbitrariedade e agravios. Todo isto sen perxuizo dos recursos e garantías contidas nos Estatutos da Universidade de Vigo e normativas de desenvolvemento, así como na lexislación vixente.

O Tribunal de Garantías ten atribuídas, no desenvolvemento das súas funcións, as facultades seguintes:

1. Esixir, de oficio ou a pedimento da parte interesada, toda a información que considere oportuna para o mellor desenvolvemento da súa actuación.
2. Elevar informes á Mesa do Claustro sobre aquelas materias universitarias que considere oportunas e, se é o caso, propostas de repercusión dos danos estimados. Tamén poderá formular recomendacións perante outros órganos ou Administracións Públicas a través da Mesa do Claustro.
3. Xestionar diante dos órganos competentes a corrección dos defectos observados no seu funcionamento.
4. Requirir do órgano universitario competente a satisfacción do oportuno "interese lexítimo".
5. Propoñer á Mesa do Claustro un voto de censura contra o titular dun órgano unipersoal ou xefatura de servicio que, a pesar dos requirimentos, non modifique a súa conducta contraria ó dereito.
6. Promove-la convocatoria dun tribunal de exame doutra Universidade nos casos previstos no artigo 234 dos Estatutos da Universidade de Vigo.
7. Desenvolve-la función de mediación, cando as partes implicadas así o acepten.
8. Recibir e tramita-las queixas, reclamacións ou conflictos que o Rector poida recibir dos membros da comunidade universitaria e lle queira remitir ó Tribunal.
9. Calquera outra que lle estea expresamente atribuída no presente Estatuto, nos Estatutos da Universidade de Vigo e regulamentos que os desenvolven.

A actuación do Tribunal de Garantías poderá iniciarse de oficio e mediante queixas, reclamacións ou por aceptación das partes implicadas, que poderán ser tanto individuais coma colectivas.

A solicitude de actuación do Tribunal de Garantías poderá presentarse en calquera das oficinas do Rexistro Xeral da Universidade de Vigo ou no propio Rexistro do Tribunal, e dirixirase ó Presidente/a por escrito e asinada pola parte interesada. Pero, cando así se solicite ou cando a natureza do tema o esixa, entregarase persoalmente ó Presidente baixo pseudónimo, que a rexistrará únicamente no Rexistro do Tribunal e lle asignará un código secreto ó expediente para preserva-la total discrección e identidade, da que serán só coñecedores o Presidente e a parte interesada.

As materias que estean sometidas a proceso xudicial, unha vez redactada e presentada a demanda, ou sobre as que penda un expediente administrativo sancionador non poderán ser sometidas a exame do Tribunal de Garantías, o que non impide que poida de oficio investiga-los problemas xerais que suscitan e velar para que a Administración Universitaria resolva expresamente, en tempo e forma as peticións e recursos que se lle presenten. Así mesmo, o recurso ó Tribunal de Garantías é compatible cos trámites xudiciais previos á presentación formal da demanda, na que se poden aporta-las resolucións do Tribunal como elemento de defensa.

Recibida unha solicitude de actuación, o Secretario/a do Tribunal de Garantías dará contestación motivada sobre a súa admisión ou non a trámite nun prazo máximo de quince días.

Admitida a trámite unha solicitude, o Presidente/a promoverá unha investigación para esclarece-los feitos, dando conta ó organismo, dependencia ou persoa afectados/as, requiríndolle que presenten a información que corresponda nun prazo de 10 días. Nesta fase de comprobación e investigación, o Presidente/a poderá persoarse en calquera Centro, Departamento, Instituto, Servicio ou Negociado da Universidade, previa comunicación ó responsable do mesmo, para recabar datos, facer entrevistas persoais ou proceder ó estudio dos expedientes e documentación necesarios.

Unha vez rematada a fase de investigación, as partes afectadas serán requiridas a comparecer diante do Tribunal, para que no prazo dunha semana respondan ás preguntas que proceda e manifesten todo o que desexen sobre as cuestións controvertidas, podendo actuar por si mesmas ou por persoas debidamente autorizadas para que as representen.

O Tribunal dispón dun prazo máximo de corenta días, contados dende a data de admisión a trámite, para remata-lo procedemento mediante dictame ou informe, mostrando o seu parecer sobre a queixa presentada e facendo aquelas recomendacións sobre o xeito de actuar de órganos, membros ou servicios da Universidade de Vigo, que terán que ser tidas en conta e, para que así sexa, recabará unha resposta do superior xerárquico correspondente. No caso de que a resposta teña que proceder de órganos colexiados, requirá a súa convocatoria no prazo de tempo máis breve regulamentariamente posible.

Cando das actuacións practicadas polo Tribunal de Garantías se desprenda que a reclamación ou queixa foi orixinada polo abuso, arbitrariedade, discriminación, erro, neglixencia ou omisión dun membro da comunidade universitaria, o Presidente/a elevará un informe ó Rector para que tome as medidas adecuadas para o restablecemento da situación perturbada, sen perxuízo de prosegui-la súa actuación nos termos establecidos no artigo 12, f) do presente Estatuto.

O Secretario/a do Tribunal remitirá á parte que interesou a súa actuación información de cada unha das accións realizadas e, ó remate do procedemento, o conxunto de tódala documentación.

As decisión do Tribunal de Garantías non son obxecto de recurso dentro da Universidade, por carecer de forza para modifica-los actos da Administración Pública Universitaria; e, tampouco, son suceptibles de impugnación xudicial.

A petición de mediación do Tribunal de Garantías presentarase mediante escrito no que consten con claridade o motivo e alcance da pretensión que se plantexa, os nomes dos solicitantes ou, no seu caso, o sector universitario do que actúan en representación. Seguidamente, o Secretario/a do Tribunal, daralle traslado con algún tipo de acuse de recibo, e neste escrito fixará un prazo de dez días para que os sectores implicados acepten por escrito a mediación do Tribunal. Transcorrido este prazo sen resposta negativa, entederase aceptada a mediación do Tribunal.

O Presidente/a, unha vez consolidada a aceptación da mediación do Tribunal, notificará a través do Secretario/a por escrito ás partes implicadas a apertura dun prazo dunha semana para que formulen por escrito as súas pretensións e presenten os documentos que lle sirvan de apoio.

O procedemento de mediación conclúe coa convocatoria das partes implicadas a unha sesión conxunta de conciliación, na que o Presidente/a presentará un informe razoado sobre as alegacións das partes e propoñerá fórmulas transaccionais sobre as cuestións controvertidas. As conclusións e acordos que resulten desta sesión terán carácter vinculante, e para esto recolleranse nun Acta, que deberán asinar o Presidente/a e Secretario/a do Tribunal, xunto coas partes.

Capítulo V: Dos órganos do Tribunal.

1. O Pleno.
2. A Comisión permanente e outras comisións, se as houber.
3. O Presidente/a.
4. O Secretario/a.

O Pleno integrado por tódolos membros do Tribunal é o máximo órgano de deliberación e o único con capacidade para tomar acordos e adoptar resolucións, correspondéndolle tódalas actuacións previstas no artigo 12 do presente Estatuto.

O Pleno do Tribunal, se o volume do traballo así o aconsella, poderá constituir por acordo da maioría dos seus membros, unha Comisión permanente e outras comisións coas facultades que lle delegue o Pleno e na forma en que este o faga, respectando os criterios de representatividade que inspira a composición do Tribunal, que estarán presididas polo Presidente ou polo adxunto no que delegue. Para o seu funcionamento, polo que fai referencia ás convocatorias, quorum de asistencia e votacións, aplicaranse no posible, as normas deste Estatuto para o Pleno do Tribunal.

1. Representar ó Tribunal de Garantías para tódolos efectos.
2. Convocar, fixando a orde do día, e presidi-las sesións do Pleno e das Comisións.
3. Abrir e levanta-las sesións, dirixi-los debates, concedendo e denegando a palabra, e decidir co seu voto os empates.
4. Executa-los acordos e resolucións adoptados polo Pleno.
5. Propoñer ó Pleno o nomeamento e cesamento do Secretario/a do Tribunal.
6. Delegar no caso de ausencia ou enfermidade no adxunto que designe entre os membros do Tribunal.
7. Reclamar das autoridades académicas, Asesoría Xurídica da Universidade de Vigo e órganos da súa Administración Universitaria, Administracións Públicas ou de calquera outra entidade privada, cantos informes, dictames e estudios considere oportunos.
8. Coordina-las actividades dos órganos do Tribunal e dos seus membros.
9. Dirixi-lo funcionamento dos servicios do Tribunal e a execución do seu orzamento.

12. Presenta-lo informe anual de xestión ante o Claustro.
13. Calquera outra que lle atribúan os Estatutos da Universidade de Vigo, regulamentos que os desenvolven e o presente Estatuto.

Corespóndelle ó Secretario/a:

1. Asistir con voz e voto ás sesións do Pleno, da Comisión Permanente e daus outras Comisións, redactando Acta delas e dos acordos adoptados e certificando e notificando estes ós organismos e órganos que corresponda e as partes implicadas en cada caso.
2. Exerce-la coordinación e organización dos servicios administrativos internos do Tribunal, sen perxuízo da superior autoridade do Presidente/a.
3. Leva-lo Rexistro do Tribunal.
4. Tramita-la convocatoria das reunións do Tribunal e distribuir entre os seus membros os documentos e informacións necesarios para o exercicio das súas funcións.
5. Elabora-lo anteproxecto de orzamento do Tribunal.
6. Prepara-lo informe anual de actividades e os demais informes do Tribunal.
7. Calquera outra función que se lle encomende polo Pleno ou polo seu Presidente/a.

Artigo 31.

O Presidente/a presentará na primeira sesión do Tribunal de cada ano académico un calendario anual de reunións por trimestres, ó que se aterá o seu funcionamento, sen perxuízo da súa revisión e da convocatoria de reunións por motivos de urxencia ou gravidade. Este calendario farase público e incluirase na páxina Web do Tribunal.

O Tribunal non actuará no mes de agosto e nos periodos vacacionais da Universidade, permanecendo só aberto o Rexistro.

Artigo 33.

As reunións covocaraas o Presidente, cunha antelación mínima de corenta e oito horas, mediante comunicación escrita a tódolos membros ou por calquera outro medio telemático, utilizando algún sistema de acreditación de recibo.

Artigo 34.

Para que a convocatoria produza efecto deberá facer consta-la orde do día, hora e lugar de reunión, e ser dirixida ó lugar onde cada membro desenvolva o seu traballo e ós domicilios dos membros que teñan a condición de estudiantes.

Na orde do día o Presidente deberá inclui-los puntos que previamente solicitasen por escrito alomenos dous membros do Tribunal. Excepcionalmente, estando presentes tódolos membros do Tribunal, se así o acordasen por unanimidade, unha vez valorada a urxencia dun asunto, poderán adoptarse acordos que non figuren incluídos na orde do día.

Artigo 36.

Para a toma de acordos será necesaria a presencia do Presidente/a e alomenos de catro membros do Tribunal. A ausencia do Secretario/a non impedirá a válida constitución do Pleno, exercendo en tal caso as súas funcións un dos membros asistentes que designe o Presidente/a.

Artigo 37.

Os acordos tomaranse por maioría dos asistentes. No caso de empate decidirá o voto do Presidente/a. Os membros disconformes deberán argumenta-la súa discrepacia cun voto particular que se engadirá ó Acta.

As sesións do Tribunal, agás as do pleno para deliberación e as das Comisións, serán públicas mediante solicitude de acreditación en función da capacidade da sala.

Artigo 39.

De cada sesión do Pleno ou das Comisións redactarase Acta, que conterá, como mínimo, as circunstancias de lugar e tempo no que se celebrou, número e identificación das persoas que asistiron, os puntos principais da deliberación, a forma e resultado da votación, o contido dos acordos e o texto íntegro dos votos particulares se os houber. As Actas serán asinadas polo Secretario/a co visto e prace do Presidente/a, e aprobaranse, se procede, na seguinte sesión ordinaria.

Artigo 40.

1. O Tribunal de Garantías terá, de acordo co artigo 36 do Regulamento do Claustro, a súa sede no Rectorado, e disporá, para o desempeño das súas funcións, dos medios persoais e materiais que o fagan posible.
2. Como dotación mínima inicial contará coa adscripción de tres persoas para as tarefas administrativas, oficinas para o Presidente/a e Secretario/a, Sala de Plenos e unha sala para o traballo das Comisións.
3. O Presidente/a presentará anualmente no seu informe ó Claustro unha relación dos medios novos que precisa.
4. Contará coa instalación dun teléfono gratuíto para consultas dos membros da comunidade universitaria.
5. Os membros do Tribunal que formen parte do persoal da Universidade poderán disfrutar dun complemento por cargo que deberá ser aprobado polo Claustro, a proposta da Xunta de Goberno, e ratificado polo Consello Social. Por este mesmo procedemento, establecerase unha asignacións ós membros do sector de estudiantes que a percibirán por cada sesión de traballo, sexa en Pleno ou en Comisión.
6. Os gastos, ocasionados polos membros do Tribunal e persoal o seu servicio, no cumprimento das súas obrigas ou pola asistencia a reunións interuniversitarias deste tipo de órganos de defensa da comunidade universitaria, seranlle aboados de acordo coas tarifas e procedemento vixentes na Universidade de Vigo. Así mesmo, correrán por conta do Tribunal os gastos que se ocasionen ás persoas que cite para a súa comparecencia.
7. A dotación económica necesaria para o funcionamento do Tribunal será recollida no anteproxecto de Presuposto da Universidade de Vigo e será consignada no mesmo, trala finalización do trámite establecido de aprobación.

O Presidente do Tribunal de Garantías dará conta anualmente ó Claustro Universitario da xestión feita nun informe que presentará ante ó mesmo na primeira reunión ordinaria que se convoque ó comeza-lo novo curso académico.

Artigo 42.

A Universidade de Vigo publicará este informe, xunto coas observacións que lle formulen os claustrais, na súa Memoria Anual.

Capítulo IX: Da aprobación e reforma do Estatuto.

O presente Estatuto precisará para a súa aprobación do voto favorable da maioría absoluta dos presentes na sesión do Claustro. Este mesmo quórum será necesario para calquera modificación.

Artigo 44.

1. A iniciativa para a reforma deste Estatuto correspóndelle:

1. Ó 20% dos membros do Claustro.
2. Á Mesa do Claustro.
3. Ó Presidente do Tribunal de Garantías, previo acordo do Pleno.

Artigo 45.

1. O Presidente da Mesa do Claustro, unha vez aprobado o presente Estatuto, remitirao ó Diario Oficial de Galicia para a súa publicación.
2. O Servicio de Publicacións da Universidade encargarase de edita-lo nun mesmo volume en galego e castelán, no que figurarán en lugar destacado os datos da sede e da súa dirección postal, así como o número de teléfono gratuíto de consulta e a referencia da súa páxina Web.
3. A Secretaría Xeral da Universidade enviará un exemplar a tódolos membros da comunidade universitaria e incluirao tamén nos sobres de matrícula de cada ano ós estudiantes que se matriculen por primeira vez na Universidade de Vigo.

O presente Estatuto deberá ser integrado e interpretado no marco do disposto nos Estatutos da Universidade de Vigo, Regulamento do seu Claustro Universitario e nos demais Regulamentos que os desenvolven, da Lei Orgánica 3/1981, do 6 de abril, do Defensor do Pobo, da Lei Orgánica 62/1978, de 26 de decembro, de Protección dos Dereitos Fundamentais, así como do resto do ordenamento xurídico que fose de aplicación.

Unha vez aprobado este Estatuto, procederase a unha convocatoria electoral para que, nun prazo máximo de dous meses, poida ser elixido polo Claustro Universitario o Tribunal de Garantías entre tódolos membros da comunidade universitaria que, de acordo co artigo 240. 1 dos Estatutos da Universidade de Vigo, se queiran presentar á elección.

Disposición Derradeira.